（九）男神亦常人（下）
Benjamin视角
自从year 2 开始，我哋三个就约好咗，每次开sem都要嚟学生会大楼嘅呢间被誉为全大学最难放入口嘅teen，挑战佢嘅难食程度。以前仲会叫埋Chris嘅我哋，自从佢grad咗就得返我哋三个。最後一个sem，都系我哋最後一次食开sem饭。以前难食嘅大家乐供应商已经迁出咗呢度，换咗间法国公司，但卖嘅都系港式快餐。啲嘢食的确无以前咁难食，其实本应系好事，但系我偏偏觉得好似有啲失落感。
下昼一点系午餐嘅繁忙时间，呢间餐厅因为背乎住呢个铺位令人闻风丧胆嘅名声，所以都不至於满座，但都仍然大排长龙。已经迟咗半个钟嘅我好焦急咁搜寻佢哋熟悉嘅样，终於喺窗边见到佢哋。
「好早喎大佬。」一早已经等到唔耐烦嘅Anton已经食紧佢嘅叉鸡饭。
「喺，对唔住大仙，系我错。」
「请食饭啦。」Daniel为咗报我一直屈佢请嘢饮嘅仇，所以好想屈我请返餐。
「好穷啊。」
「穷就唔好学人迟到啦。」
驳唔到嘅我，唯有乖乖地接受命运。我小心翼翼咁睄咗Daniel一眼，自从圣诞节，好似我都系第一次见到佢。佢好似就同平时一样咁，咩事都无发生过。
「搞咩搞咁耐啊？扑嘢啊？」Anton一下笃出我迟到嘅原因，搞到我心虚咗一秒钟。
「傻啦，扑嘢，又点会同你讲啊。」我扮无事，将我叫佢哋帮我叫定嘅叉油鸡饭拉到我面前，我将姜葱捞落浸满豉油嘅饭，SU 嘅劣食，唔知系咪最後一次食到。
最後一次开Sem，意味住所有嘢都要步向终点。原来咁快，就要开始讲再见，甚至，可能要同对面嘅两位讲再见。呢个系终章嘅开端，而唔知点解，突然间我又有少少唔舍得。
「喂！系咪应该倾吓grad trip去边度！」Anton提出令人兴奋嘅话题。
「唔去再去短线嗰啲日韩台泰啦。去到厌。」每毎见到有人又去以上嘅地方，都令我觉得，心很累。又系同样嘅城市，无变嘅citylights，同埋饮饮食食嘅所谓放松活动，睇到我都麻木晒。
「咁你想去边啊，大少？」
「我想去啲exotic啲嘅地方。上次你咪都话想去啲你未去过嘅地方嘅？」我望住一年去旅行多过我去长洲嘅Daniel。
「我都几想去印度啊，伊朗啊，Tunisia啊，嗰啲地方?。」Daniel正中我心目中想去嘅地方。
「我无所谓，只要唔系去我exge去过嘅地方就得。」Anton旧年Sem尾先去完exge，对佢嚟讲，西欧都仲系记忆犹新。
「哗你exge都去过好多地方喎?」
「喂，叫埋大佬Chris一齐去呀？」
「好啊，你text佢罗。」
Anton攞出手机，兴高采烈咁开始计划Grad trip。就算系最後一次，都系紧接住下一个值得期待嘅新开始。Group入面嘅message喺手机萤幕跳出嚟，Anton又系连续咁send一抽message出嚟。
「喂，你知唔知啊，有人追Dandan啊。」?紧手机嘅Anton，连头都无抬起就抛低一句咁说话，令拎起杯冻柠茶嚟饮嘅我都不禁停低手入面嘅动作，对上咗Daniel嘅视线。佢露出少许尶尬嘅神色，有一秒钟我以为Daniel同Anton讲咗我地之间嘅事。但谂谂下，佢哋应该唔系讲紧我先啱，又唔知点解心入面有少少想嘲笑自己嘅感觉。系罗，人哋系点会讲紧你啊。
「咩啊，唔系追罗。」Daniel嘅阐述就系咁简单。
「边个嚟嘅先，我识唔识?？」我试探嘅口风好似好轻松，但我好仔细咁扫描紧佢嘅所有微表情。
「你哋唔识?啦。」Daniel垂低头，食咗啖饭。
「嗰个人仲话好挂住Dandan添?，喂，考虑吓啦，有几可啊。」Anton最中意化身小爱神，帮人穿针引线嘅工作，佢最开心。
「喂，啊Chris有无覆你啊，佢Online喎。」Daniel为求转话题，已经劣拙到要摆啊Chris上枱。
「无喎?咪谂住转话题喎。究竟有无相啫？」
「无啊，佢好discreet?，我都无佢啲相。」
「咁小器?。」
都唔知点插嘴而又唔awkward嘅我，除咗间唔中笑吓之外，就好努力咁食紧我个叉油鸡。Anton又拎出手机，喺Group度send多几个message，话Daniel有个新追求者。
「喂，你仲要send上group?。」
「惊咩喎，都系啊Chris睇到之嘛。」
「唉啊，唔好啦，好尶尬罗。」
「有咩尶尬啊，啊Chris又唔识。」