「咁如果佢出去偷食呢？」
「因为偷食而将relationship变到Open，同被人?住嚟打有咩分别啊。重点系，我都唔想，都唔会开心啦。」
「都系嘅?」Dandan又陷入沉思嘅样，作为一个(八挂嘅)好朋友，当然要为佢疑难排解一吓。
「咁你觉得呢？」
「唔?你觉得?喺呢个圈，喺咪真系会有从一而终呢？」Dandan好钟意以另一个问题嚟回避答案，所以有时同佢倾完一大轮，都唔知佢发生咗啲事。
「咁呢个圈，同唔系呢个圈，都系同样?啦。专一嘅人就会专一，偷食嘅人锁住佢都系会偷食?啦。」
「即系你觉得，偷食?系性格问题？」
「唔系咩？」
「你有无听过有人话呢，如果你好想好想见到一个人，或者你好想好想一件事发生，如果你日日夜夜都谂住嘅话，件事就会发生。」突然间转话题嘅Dandan，令我都唔知讲咩好。
「真心咩？少Creep喎?好似念力咁啊？」
「都系有个人咁同我讲，话一个人嘅意念其实好强大，大到?超越你嘅想像。」
「咩啊?拍剧啊？啊？你想见边个啊。」
「唔系我啊，系几个月前有个人，佢话谂咗好耐，无谂过真系撞返我。」
「哗?边个嚟?，正唔正?？」呢个Daniel最中意咁样吊住人条瘾。
「你?唔识?啦。」
「哗，你有人追喎。」
「唔系啦?佢有仔?啦，不过佢哋opeionship。不过呢，太复杂啦。」
「咁又点啫，你中意嘅咪去马，唔中意咪唔理佢罗，有咩咁复杂。最多你咪撬佢墙脚，我唔会judge你?喎。」
「唉唔知呀。好肚饿呀。」又回避问题。
我喺starbucks tumblr度饮咗一啖水，望住ustreet出面，西环林立嘅商住大厦，今日天气反常咁热，而天空都反常咁澄明，好似可以好轻易就望去对面海。周围嘅人嘅倾计声喺背景交叠，好耐都无见过咁热闹嘅Campus。
「叮」
「喂，佢话嚟紧，叫我哋帮佢买个叉油鸡饭喎。」Benjie嘅message划破我漆黑嘅手机萤幕。
「唉，咁就最後一个开Sem饭啦。」
「系呀。」
Dandan唔讲，我都无发现。不过，最後一次，又有咩好怕喎。
希望在明天啊嘛。
Daniel 视角
手指敲落键盘嘅声音哒哒哒哒咁快速响起，我嘅前後左右都传嚟同样嘅声，Lecturer 嘅声音差啲被百几部电脑嘅打字声盖过，喺Campus尽头嘅Lecture Theatre喺开Sem嘅第一日朝头早就已经洋溢住紧张嘅气氛，但因为大家都知道呢科喺Killer，所以就算已经持久集中咗两个钟，都仍然唔敢怠慢。
「before you go, please remember finish reading the cases before class, and we will discuss the case together. I’ll see you week.」
我合埋电脑嘅铝合金外壳，同侧边嘅人互相讲咗两句就自己一个行开。已经第五年行过大学嘅呢个通道，来来往往嘅面孔由陌生，变到熟悉，再变得陌生。喺自然采光嘅大学街上面行，以往每次转堂时间都一定会撞到几个熟人，但经过五年之後，路上面嘅hi-bye friend，好似越嚟越少。
Week One 嘅第一堂比时间表上嘅时间早落堂，距离约咗佢哋食开Sem饭嘅时间仲有一阵，无嘢做嘅我唯有喺Campus度游离浪荡。
沿住橙色砖头铺嘅路向前行，一月尾嘅天气异常地和暖，路上面嘅人甚至只系着住一件长袖嘅pullover或者hoodie。一个身材大只嘅男仔出现喺路上面，吸引咗我嘅视线，抬头一望，先知道原来系佢。
「喂，咁啱嘅。」语气平淡嘅我，好似真系无事发生咁。
「喂，Hi。」语气轻浮嘅佢永远都有呢一种我唔知佢想点嘅感觉，好似我永远都睇唔透佢谂紧咩咁。
佢对眼经常余有兴味咁打量我，好似我唔知有咩特别咁，佢以前都好中意咁样望住我，所以我先会错意。我好似已经好耐无咁样见过佢，就咁自己一个拎住一本Macbook，带住一顶Cap帽嘅佢。
「终於做完intern啦？」
「系呀，终於。」
以前我同佢有好多嘢讲嘅日子好似已经系好耐以前，自从早几个月撞返佢之後，佢就好似成个人唔同咗好多咁，而我同佢都多咗好多喺空气之中嘅尴尬。
「你去紧上堂？」
「无啦，啱啱落堂，无嘢做。」
「无约人