第十二章 （下）同学生性病友倍感安慰
Chris
我行入陈旧嘅电梯大堂，等待电梯门口打开。我心入面希望唔好有人行近我，唔好俾人见到我喺呢度出现。
佢同我讲。
「我无嘢啊。」我将手交叉喺心口前，唔想触碰呢度任何一寸。
我行入电梯入面，好唔情愿咁?咗嗰个数字。诊所特别嘅味道掩盖唔到呢度有几汚糟，呢栋大厦成栋都充满住九十年代嘅感觉，我都唔知咁多年嚟，有几多人嚟过呢度。
Benjie企喺我嘅後面，我望住升降机地下凸起嘅斜线，升降机嘅数字随住轻微嘅摇晃上升。
「我攞咗半日假。」我无咩倾计嘅心情，净系想嗱嗱临搞掂佢。
一出电梯，我就直接行去窗口，喺银包最底拎出咗鲜粉红色嘅卡。
「前面等嗌名。」
我去度一早已经褪色嘅胶凳，放低我嘅背囊喺我隔离。阳光喺一排短窄嘅窗口透入嚟昏暗嘅等候区。有几个人零零散散咁坐喺啲凳上面。虽然呢度都有得睇皮肤专科，但系我成日认住啲人嚟得呢度都唔系睇皮肤科咁简单。佢坐喺我隔离，一粒声都唔出，唔知系咪因为我太冷淡。我双手手踭架我大脾上面，望住佢，佢好似都有紧张，唔似平时咁好多嘢讲。
「你病好未呀？」
我开始有啲仔细咁谂起，好耐之前Benjie好似讲过，佢好似试过尿道炎嚟过呢度check。
「你?上次嚟喺几时啊？」
佢就咁好普通咁望住诊所充满消毒药水味嘅地下。
「我?唔系好记得啦，应该都有一年无嚟过。」
其实有边个唔知应该每三个月去check一次，虽然好似系好普通嘅一件事，但唔知点解每次一谂起呢个地方，就好似有一种莫名嘅焦虑同恐惧。可能因为真相嘅重量，几乎可以拖低一个成年男人，所以宁愿可以无知咁一日过一日，好似，唔知道嘅话，就无发生过咁。但系偏偏就系因为咁，所以每一日，都过到自己好似已经中咗咁。
如果唔系因为水浸眼眉嘅话，我谂我都唔会今日喺度出现。
Benjie望住我，佢深啡色嘅瞳孔喺呢个暗淡嘅空间入面，竟然都仲有少少阳光折射出嚟。
佢停顿咗一吓，後面嘅啊伯大声咁清左一吓喉咙，大声到就好似Benjie头先完全无出过声咁。
「边有啊?」
又有人行咗入嚟，脚步声好似轻轻掩盖住佢把声。
「几个星期啦喎。」
「我嗰晚系有少少饮大咗嘅?」我知Benjie仲因为我无用套而唔开心，其实我都系一时Jing虫上脑，我都知自己好似有啲过份嘅?「咁你知啦，我平时同佢系唔用套?嘛。」
Benjie无讲嘢，我唔知佢系咪嬲咗我，所以我又补多句。
「好啦好啦，我认我系有少少唔开心，但咁都好正常啫。」
但系佢都系唔系好理我，就好似我个背囊咁郁都唔郁，一旧木咁。
「何浩成，请入检查室。」
我推开房门，喺木枱前面嘅胶凳坐低，唔知乜嘢喺张凳上面，一坐落去就觉得好拮，但系又搵极都搵唔到系咩。
「何浩成吓嘛？对吓身分证号码。」
Check咗个人资料之後，又系典型嘅查家宅，有无拍拖，有几多SP，做1定做0，有无带套，上一次几时check咁。护士又遁例讲吓咩高危，咩最好3个月check一次嘅废话。五分钟都无，我又出返去出面等嗌名。
唔知几时有条友企咗喺Projector前面，好似要介绍啲咩咁。佢拎起咪，开始讲嘢，
「喺大家等紧嘅时候呢，咁我哋都想同大家讲吓我哋社会卫生科诊所嘅。咁其实我哋除咗可以睇皮肤科之外呢，仲可以睇其他嘢嘅?」
萤幕前面嘅护士长开始讲啲我完全无兴趣留心嘅嘢。Benjie呢个时候都突然之间出声。
「又唔以话系唔开心嘅，Frustration is the better word。」
「你系咪又想用你嘅Psychology嘅therapy skill想读我心啊？」
「?诶?有少少frus系因为Hugo罗。」佢好专注咁望住我，好似等紧我讲多啲咁。「you know, we’ve been together for a year man, and I’m not like really attached but he broke up with me on p. As if I’m some disposable piece of shit.」
「What do you mean?」我明明已经nothing but hoo him， 但佢无啦啦话我有所隐瞒，我就着着地。
唔知点解我突然之