第十四章（中） 友达以下，暧昧未明
二月尾星期六早晨嘅阳光驱唔散Yin沉嘅雾霾，嚟自南边嘅风带嚟shi度飙升嘅空气，令我就算深呼吸，都好似吸入之後有啲缺氧。我望住呢间仍然经常经过嘅大楼，再一次行入门口嘅感觉实在太熟悉。一切都好似无变咁，又但一切都唔再属於我。
我见到负责招待旧生嘅Miss Lee，以前都唔觉佢容貌嘅改变，但突然又谂起，距离原来第一次见佢，已经系十年有多，但系都仲系好亲切咁以全名称呼我。
「雷仲庭！呢边签名先啦！」
「好耐无见啦，Miss Lee」
「你嗰年啲人今年都好多返嚟喎，除咗你仲有几个，陈嘉琪啦，邓子浩，仲有马俊逸都返咗嚟，仲有个，唉啊，叫咩名呢?」负责处理校友事务嘅佢，真系少啲记忆力都唔得。
「佢哋上咗去啦？」
「系呀，你成日返嚟，唔使带路啦？」
「我自己得?啦。」都喺度生活过六年，其实，有边个唔识路啊？
我行过长廊，去到楼梯口，行足咁多年嘅楼梯，好似都无咩被後继嘅人磨蚀嘅痕迹。
敞门嘅礼堂大门邀请零声嘅人行入去宽阔嘅空间。每年嘅中五六学生都好似一定要参与呢个升学就业资讯讲座，仲要星期六特登返嚟，呢啲咁唔人性化嘅设计，好似系为咗特登迁就我啲呢啲旧生，但我其实并无觉得特别方便。
老师一早就讲解定所有资讯，而讲真我觉得大家心入面都有返咁上下盘算，所谓嘅分享会，其实只不过系一群旧生同一堆师弟妹围炉吹水嘅场合。
周围嘅凳都可以随便移动，方便佢哋随便游走喺唔同嘅旧生之中。我向几个熟人打个招呼，然後就求其搵一个位坐低。心口上面写住（Daniel Lui，DSE/HKU(GLaw)）嘅标签纸条不断跌落，令上面嘅字难以清晰睇到。
有几个师弟妹好快就坐咗埋嚟，问咗好多各式各样嘅问题。「其实我想问呢，读Law中文系咪一定要好好?？我中文唔好，但其实上到去啲reading都系in English ?啦？」「其实MO系点?？你俾人问过咩问题？」「你住咩hall?？如果我想入St. John’s 有咩要Prepare？」
当年点温书，去到大学点拣自己锺意嘅Hall，我都好似人rou百科全书咁，排解佢哋嘅疑难。离开中学五年，呢度嘅人都开始生疏，当年我离校嘅时候只不过系中一二嘅佢哋，而家都要面对同样嘅烦恼。我好仔细咁将我识嘅都讲哂俾佢哋听。当然，其实好多嘢，我谂佢哋一早就听闻过。
经过一大轮嘅问题之後，啲人已经开始不规律咁自行流动。有几个同我同年嘅同学行埋嚟，毕咗业之後，无论以前几friend，见得几多，都好自然都生疏咗。
「喂啊钉！」前面高大嘅肥仔，系中学时期3个elective都同我一样，仲要一齐读M2嘅同学。入咗山城读Medic嘅佢，真系好日都唔会见一次。
「喂，你又得闲返嚟嘅？」
「呢排出完ward啊嘛。阵间有咩搞啊？」
「无啊？你呢？」
「Michelle话想搵Miss Lahoto喎，林轩同Jer个啲都喺度，你要唔要一齐？」
「好啊」
毕业袍嘅绸缎喺缺乏太阳嘅日子仍然喺绿蓝色嘅Cao场上面反射住光，几个人望住手机嘅镜头，由学校正门行到去篮球场。无见一排嘅老师仍然同我哋呢班旧学生好多嘢讲，仲乘机笑吓身边嘅男同学。
「喂啊John啊，你记唔记得以前上我堂你呢个最锺意瞓教?啦，乜你真系咁眼瞓咩？」「佢咩堂都瞓?啦，佢而家上lecture都仲训紧啊。」「Jeremy呢？Jeremy做紧咩啊？」「我做紧银行啊」
「喂啊钉！」突然後面嘅人叫咗我一声，佢唔知边度拎咗个篮球过嚟，仲要懒型咁一路运球一路转咗个身，仲系着住毕业袍嘅佢，熟练嘅程度，好似寻日先喺呢个场打完波咁。「好耐无喺度打过波啦」
我好顺从咁陪佢打返阵波。篮球跌落地下嘅声音、波鞋啜住地下嘅尖声、仲有铁框被撞击嘅回音，原来一切都好似等紧我哋返嚟，再听多次。我投咗一球，喺铁框上面转咗两个圈，然後又跌出框外。
「唔系呢只手啊！」我好似听到佢当年喺我後面嘅声。我望吓後面，老师同几个同学坐底咗，唔知讲紧咩。无其他人喺度，当然唔会有佢喺度。
「你明明就用开左手，点解你成日都用右手shoot嘅？」Hugo把声好清晰咁回荡。「嗱，你试吓，右手交左手，一、二、上！」连篮框都掂唔到嘅Air ball，嘭一声跌落地下。我拧转头，望住自以为是嘅佢。
「啱?啦，」单手叉腰嘅佢，望住篮框，翘一翘嘴角。「你练多啲，控制好个力，咁你就所向无敌?啦，黄金左手。」佢拍一拍我左边膊头。我摸一摸，又摸唔到任何嘢。但我模糊咁见