（三）一个上咗床都无结果嘅年代
星期三嘅夜晚喺一个星期最难捱嘅一日，已经过咗两日weekday，但仲有两日先到weekend，尤其是系当圣诞节越嚟越近嘅时候，似乎成个维多利亚城都洋溢住一种唔想工作嘅感觉。但系我已经完咗Sem，放紧圣诞假，所以唔系好关我事，哈哈。不过，对於已经出咗嚟做嘢嘅啊Chris就唔同讲法，今日佢个样好似完全系死灰一样。为咗庆祝大家都终於完Sem，今日我哋决定四个一齐打边炉，之後先再去饮嘢。讲真，经历咗上个星期五晚之後，我都系未系好准备好见啊Chris，但系无理由无啦啦失踪?嘛，所以都系唯有扮无嘢呃吓自己。有Dandan同Anton一齐，好似唔系咁尴尬，我都似乎可以正正常常咁暂时闩埋我唔理智嘅情绪。
蒸气由煲入面除除升起，令对面两位嘅面容盖掩一层雾气，我喺红色嘅汤底放入一块肥牛，轻轻烫过之後就移到已经慢慢积咗一啲汤汁嘅碗底。一个一个浮喺汤面嘅油圈融合，又分开。我望住对面嘅啊Chris，狼呑虎咽一块又一块嘅红rou，猪，牛，羊，好似再叫多两碟都填唔满佢嘅胃口。佢隔离嘅Dandan唔知系咪俾佢抢哂啲rou，咬住一旧金菇，然後望咗啊Chris一眼，
「你有无咁肚饿呀？」
「嗱，留返啲俾你啦。」
啊Chris夹咗几旧rou俾Dandan，然後之又夹咗一大堆丸之类，又继续埋头食。Anton夹咗一块生菜，放唔哂入个口入面，垂咗一半出嚟。
「哈，你好似『唔捻系挂』个只树熊呀，哈哈哈??」
我攞出手机，映低佢个蠢样，然後铺上story。我个feed入面又弹咗张大只佬sao肌嘅相出嚟，但个名吸引咗我嘅视线，系Thomas嘅新post，睇嚟Thomas又飞咗去第二个国家，十二月中都仲着泳裤仔映沙滩相，show off佢一身嘅健康肤色。我望住Anton，然後露出诡异嘅笑容。
「喂，点解我上星期六晚上你间房度还返支洗衣ye俾你嘅时候，听到有啲『啊！啊！啊！』嘅声嘅？」
一听到有花生，啊Chris同Dandan都放低手头上嘅嘢食。
「你条友仔，咁明张目胆喺Hall度扑嘢？」无住紧Hall嘅Dandan其实应该好葡萄我哋唔使成日搵地，住屋企嘅佢，性空间真系非常之匮乏。
「边个嚟嘅先，开相嚟睇吓」视觉动物啊Chris第一时间好似闻到血腥味嘅鲨鱼，准备好猎食。
「咩呀??」Anton一面尴尬，似乎无预计到我会知道佢嘅小gathering。毕竟我哋四个入面，Anton都真系好少好少搵fun，所以大家都咁兴奋。「??妖，你咁样踢爆我?。」Anton个样好似想兜又兜唔到咁，无奈之下承认咗佢。
「做咩啫，个个都扑嘢，呢度个个都搵fun?啦，使乜扮嘢啫。」我继续chur佢。
「咁我真系唔系成日搵fun呀嘛??」
「你上次又一个，今次又一个，你已经沦陷咗啦，仲扮清泉。」
「咩一个又一个呀??」
「Thomas呀嘛？上次我tinder帮你问佢，你个日夜晚就食到，系咪多谢我先，几正啊可？」
Anton皱晒眉头咁望住我，好似我讲紧外星文咁。
我已经打开咗Thomas 嘅相出嚟，传俾Dandan同埋啊Chris睇。
「真系几正喎。唔知佢有无俾人屌过呢？」啊Chris口没遮拦咁大声讲出嚟，隔离枱嘅师nai望咗我哋一眼，我即刻想叫佢细声啲。
「哦！Thomas Law，喂佢都系读Medic?喎。好似M22?上堂都几多人J佢?喎，叻仔喎，食到男神。」同系嘅Dandan一眼就认出佢。
「乜嘢啊，唔系呢个呀！」Anton见到Thomas之後，终於知我讲紧咩。「星期六嗰个系我之前开俾你睇嗰个啊。」
佢终於开到嗰个人嘅相出嚟，然系俾我哋睇。
「唔，虽然唔系Thomas，但呢个都ok嘅。」Dandan嘅评语真系太nice啦，或者因为呢条仔真系完全唔系我口味。
「呢个人?好熟喎??叫咩名话?Louis Lau?」啊Chris皱起眉头眯埋眼，谂咗阵，终於谂起。
「你又识？」虽然我咁问，但我都知十居其九，啊Chris都系同一个原因。
「扑过罗。」无错，果然喺咁。「呢个??零仔嚟?喎??佢扑你呀？哈哈，估唔到喎。」
「佢vers bottom嚟?，佢有时都会做吓1仔。」Anton迅速地更正。自从上次之後，我真系唔敢再话vers bottom系bottom，所以我无加入讨论。典型Chris又系要透过床上嘅dominance嚟展示自己嘅男子汉气慨，而典型Anton亦即时维护自己嘅床上对象，其实只系为