Anton开咗佢个SP嘅相比我睇，我无咩特别感觉，亦无话认得佢系边个。
「妖！嗰个系近呢两个月嘅唯一一次罗。」
我又系心入面同自己讲一次。我沿杯边轻轻饮一啖我杯 Iced Amerio。好酸，好涩，但系啱啱好可以洗走我脷上面嘅温度。
可能基佬之间嘅关系就系咁。大家有咩都唔怕讲出口，因为大家嘅需要系咩其实大家都好清楚，唔使呃嚟呃去玩埋啲心理游戏拖泥带水，不过咁，都好过比个假希望你最後拎走哂你所有嘢。但系好多人，明知系个氹，都夹硬踩落去。好似我咁。
我同Anton都住同一栋Hall，佢住11楼，我住6楼，亦系我同佢点解一开始会熟嘅原因。喺我啱啱识佢个时，我哋都仲未出柜，而我同佢莫名奇妙之间，互相发现咗大家嘅秘密。喺一间住满男仔嘅宿舍，要搵到同样系基嘅男仔并唔难，但系要搵到个kee
「佢应该同寻晚个男仔去咗爆房啦，佢地揽到实哂咁。」
好心你几廿岁人，就唔好有咁多幻想啦。
「??跟住佢话Hugo会上嚟，所以叫我走先罗。」
「喂，咁你寻晚点先？你都揽住条仔?喎。」
「咁点呀，你同佢，又话有keep住倾计嘅？」
「唔你老味！你上星期先话好後悔同嗰条友扑嘢。」
晚啲衫。酒精同埋二手烟啲味道匿藏喺每一寸纤维入面，即使外观睇落安然无恙，但一靠近就会知道，内里其实千疮百夷。我无打算主动提及嘅嘢，都系唔觉意地带过。我已经尽量平淡咁形容寻晚嘅情形比Anton听，但佢听到好兴奋。
我同Anton行出Cafe，灰色嘅天空令周围嘅大厦好似多咗层雾，但我好中意呢种郁郁寡欢嘅天气，好适合行下路。我行向兰芳园嘅方向，但其实我唔知自己行紧去边，喺星期六嘅下昼，挥霍时间嚟平静心情，似乎都系一个人仅有嘅奢侈。我同Anton行过结志街嘅中环街市。湿漉漉嘅街道上面有一间间嘅摊档，一街之隔就系中环中心嘅高楼大厦，甲级写字楼，而行前少少，就系苏杭街嘅酒吧食肆，同埋啊Chris屋企，但呢度嘅人如此平静，平凡，就似一切纷争角力，一切兵慌马乱嘅竞赛，都系另一个世界之外。呢度就系一个咁神奇嘅地方，只系两条街嘅距离，但就好似系三个毫无共通之处嘅世界，偏偏交集喺呢一个最人来人往嘅地段。或者系因为有人同我一齐行，就算沿路我哋唔多嘢讲，我都唔觉得孤独。我同Anton一直行到去上环，再搭巴士返大学宿舍。
Anton无意中嘅一句，刺激到我原本唔想提及嘅情绪。系罗可，我系边个，只不过系一个佢觉得好玩嘅玩具，
我打开手机，想要Anton比我睇下佢个SP系咩样，打开ig，发现多咗几个新followers，其中一个，就系Jason。作为黑实精壮型基佬，ig有几千个followers都正常。而佢DM咗我一句，「Had fun last night, hope to see you again, haha」我又覆佢一句「me too, sure haha」。呢啲句子就同「得闲饮茶」一样，系一个大家都明知唔会实现嘅约定。我又睇咗佢story，先至发现我真系完全唔认识呢个人，同我寻晚一齐做过最亲密嘅事嘅呢个人。如果我哋一开始就唔系扑咗先，我哋会唔有机会发展落去呢？搵得佢上床，其实点会无少少心动嘅感觉，但大家出得嚟玩，都预咗无疾而终嘅结局，唯有收起自己嘅感情，扮无嘢咁样继续一个又一个男人咁，直至我都唔知几时先会完。
我突然之间系度谂，如果我寻晚唔系跟啊Chris返佢度，我会点呢？唔知道，我会唔好似Dandan咁，会搵到一个一晚净系揽我一个人嘅男仔呢？
「我仲以为你地朝早会玩多round添。不过无啦，人地男朋友要上嚟，你都系行埋一边啦。」
「无呀，我同佢住附近嘅，咁咪一齐返屋企罗。嗱，系佢返佢屋企，我返我屋企。你知我唔搵fun嘅。」
「咁你知唔知Dandan寻晚去咗边呀？」我好奇一问。
「屌，即系当你水泡啦。仲要讲埋出口。」
我按捺住自己好想谈及Hugo嘅冲动，轻描淡写咁带过。
「唉，算啦，出pool呢啲嘢，都系可遇不可求?啦。喺App度识返嚟嘅人，点会有真爱呀？」
「无啦，佢都同我讲，佢无谂住搵LTR，只不过啱啱散咗，想搵个人陪吓咁解。」
或者就系因为咁，所以我哋先慢慢降低自己嘅要求，由搵一个爱自己嘅人，到搵一个我唔憎嘅人，再变成搵一个肯要我嘅人，最後就变咗搵fun。无人一出世就想搵fun，但喺个圈度浸耐咗，就变咗搵爱情嘅途中搵吓性爱先，慢慢发现，原来有性，都唔一定有爱。但系，就算得万分之一嘅机会，我哋都依然妄想透过呢种咁不可能嘅方法，去寻找爱情。因为我哋唔能够承受，连呢万分之一嘅机会都无嘅下场。