（十）今晚饮嘢夜唔夜 （上）
嘭！
「ORDER!」
一下喺喉咙尽头嘅大叫，枱前面嘅女仔流利咁右手拍落木枱，然後再水平地举起。声音喺墙之间回荡，白色嘅灯光令气氛感觉更加残酷。枱另一面因为呢一下突然嘅声响而突然一致咁望住台下嘅会众，原本眼入面嘅迷雾必须立即除去，因为声音代表即将来临嘅批评。
「Please state your point of order. 李同学。」
「多谢主席。」利落嘅语气配以用力嘅收手，呢位同学已经准备好责难佢眼中呢班做得非常之差嘅下庄。
「我真系唔明，点解过咗咁耐你哋啲手都未举得齐。啲上庄已经喺哂度，去到呢个时候我都仲要执你哋嘅Campaign Manner，我知大家都好攰，但唔代表你哋可以放?哂罗！」
尖锐嘅喉音，凌厉嘅眼神，同埋句子最後四个字特登拖长嚟讲，系构成下庄心目中最惊又最憎嘅上庄嘅完美方程式。枱嘅另一面嘅人喺Memo纸上面写咗几个字，传俾隔离位嘅人，隔离位望咗一眼又传俾下一位。呢啲背後唱衰上庄嘅纸仔可能系唯一保持佢哋理智嘅嘢。
「你问唔问嘢呀？」坐我隔离嘅 Jackie 细细声问我。
「未特别有嘢问住。」
「哗难得喎，你唔系次次都好中意讲一大轮咩objective，咩personal growth嘅嘢?咩？」Jackie语气可能带啲讽刺，佢甚至会话佢真系好唔中意Campaign，但每次佢同啲下庄讲嘅嘢都不亚於我咁多。虽然系咁，但我同Jackie 都好自傲於自己讲嘅嘢唔系废话。
第三次坐喺Campaign枱嘅另一边，望住自己嘅下庄，下下庄，到而加下下下庄，真系唔认老都唔得。大学去到结尾，好似好多曾经好新奇嘅嘢都唔再新鲜，好似一部搭过好多次嘅过山车，曾经你唔知去到呢个位会突然转弯，或者向下冲，但去到而家，每一个弯，每一次俯冲，你都了如指掌，令你开始怀念，开始向往曾经自己咩都唔知嘅感觉。
我随便咁揭起佢哋本Year Plan，反射作用咁s for mistakes，但我无谂住好似当年咁逐项指出，只不过系顺粹职业病发作。长年累月无润滑嘅门铰发出粗糙嘅声音，令所有人目光喺门未打开之前就已经聚集喺期待即将入嚟嘅人身上面。1516上庄鱼贯咁行入嚟，一个长头发，化少少妆嘅女仔向着住Soc tee嘅另一位女仔轻轻一挥手。喺佢哋之中嘅Daniel亦都喺行入嚟嘅时候同我打咗个招呼。佢啲已经毕哂业嘅庄友全部都好似放工完过嚟Campaign，唔系dress formal都起码smart casual，净系得Daniel，仲系一副学生look。
「新问题。李同学。」
「多谢主席。如果你要用七种文具?」
企喺枱前面嘅人咀唇轻微嘅抖动咗一下，举起嘅手明显嘅震动喺主席叫出佢个名之後就停止。深呼吸咗一口气嘅佢必须好自信咁回答问题，如果唔系又要冒被人order嘅险。曾经都企过呢个位嘅我，嘅Jackie，嘅Daniel，嘅在场嘅每一个人，都曾经经历过呢种胆颤心惊，但无人会因而而对面前呢位啱啱步入大学嘅初哥手下留情。
Daniel喺无声无息之间坐咗喺我隔离，细细声咁问我，
「点睇今年支庄呀？」
「我觉得好过旧年喎。起码个主席都几presentable。」
「你觉得人哋靓仔咋？」Jackie喺隔离搭嗲。
「咁外貌都系presentability嘅重要部分嚟?。」
「咁你点睇你正下n庄啊？」Daniel望向呢个弱不禁风嘅男仔，好似就嚟训着觉咁样。
「个样咁唔Jing神，都唔知点出去见人。」
「我都觉得佢麻麻地，你order吓佢罗。」
「哗我唔做呢啲嘢?，我行慈爱型路线?。」
「收皮啦你，你上年10秒整喊个InSec真系名流千古。」Jackie又搭嗲。
「妖，我真系净系问咗佢点解佢觉得自己值得留系度，佢自己无啦啦喊关我咩事喎。」我无力抗议。
「得啦，全场最仙系你。」Daniel同Jackie两届主席，坐埋一齐cam我，我边度有还口嘅余地。
「主席喺下午八时四十六分收到以下动议，to cast a vote of thanks to past ittee members session 2009-10，动议嘅系黄同学，黄同学有无发言？」
Daniel返返去自己支庄度，啱啱Cam完下庄嘅Janice返返嚟同我隔离坐底。
「其他人呢？」Janice问。
「出咗去啦。」
「一阵系咪饮嘢先？