第十四章 友达以下 暧昧未明（上）
星期五下昼嘅智华一早就已经坐满人，落地玻璃窗被出面灰暗嘅天空沾shi咗，令室内唯一嘅光源嚟自黄白色嘅射灯。二月嚟到最後一个星期，系春天梅雨季节嘅开端，就算香港无雪可以融，但系咁样嘅天气都有少少冻。Week 5嘅完结，代表最後一个学期，已经差唔多过咗一半。二楼嘅角落终於有一个空位，我放低啱啱喺Law Building 底下嘅pigeon hole 拎到嘅一大叠Civil Procedure 嘅Notes，准备同密密麻麻嘅字母同不断互相矛盾嘅案件判例搏奕。
白色嘅木枱磨砂嘅表面令沉甸嘅书本稳实咁搭起，我翻嚟翻去，为下星期要交嘅功课准备。好可惜地，我嘅「造纸」工程，开咗第一行，就已经写唔到落去。我望住空白嘅文件，同埋最底下嘅36words，感到非常之乏力。
我又睇咗一次枱面上嘅文件，然後喺惨白嘅萤幕上面，想要填上一啲黑色。
“In the verdict of W v Registrar of Marriages, the judges quoted the Goodwin case instead of Corbett case, in on law status...”
我highlight咗最新呢句，delete，又undo，又delete，然後又打咗类似嘅句子出嚟。我连?段introductory paragraph 都完成唔到，而出面个天由Yin暗，变到入黑。我决定离开郁闷嘅座位，我一拍卡喺後面离开，就沿住有少少水渍嘅扶手电梯，去到三楼嘅平台花园。旁边嘅健身室入面嘅人喺跑步机上面奔走，Law Building嘅窗口入面有啲已经开咗灯，有啲就漆黑一片。呢度位於龙虎山嘅山腰，一眼望去就系成个西环，同埋半个维多利亚港。天色唔好嘅日子，净系隐约见到一盏盏灯沉没喺带雾嘅天气。呢个星期可能系今个冬天最後一次冻嘅日子，我企喺红色嘅砖墙，望住下面嘅住宅、马路、车辆、行人。
唔似得Benjie或者Anton，我对於最後一个学期无咩感觉，可能系因为读双学位嘅我已经第五年行过大学街，可能系因为下一年我仲要返嚟读PCLL，可能系因为我由细到大我都喺西环长大。
冬天嘅风吹咗一阵就已经令人个头好醒神，我又行返落去下面，坐低无耐，我就见到Benjie出现喺门口嘅方向。
「哗屌！好捻嬲啊。」第一句就系亲切嘅问候。
「做咩啊，边个又激亲你啊？」
「屌，我真系燥捻咗，头先俾人玩捻尻罗。」佢喺皮革制嘅电脑袋度攞咗部Macbook出嚟。「头先喺Flora Ho等咗条友等咗成粒钟，佢最後no show罗。弹钟咪弹钟罗，做乜尻要哂我时间？」
「都真系几仆街喎。」
「仲要叫我咩冲定凉等佢喎，痴捻线，好彩我无咋，冻捻死都似。」
「得啦，唔好嬲啦?快啲做嘢啦，你下星期三唔系mid term咩？」
「唉呀，得啦得啦。」打开咗电脑嘅佢，插上耳机就打开flix嘅页面，真系无眼睇。
吹过风之後嘅头脑好似清晰咗少少，所以Essay都进展良好。另一面嘅Benjie，好似又开咗新一集嚟睇，仲要喺静英英嘅智华入面笑出声。我手踭批咗一下佢，
「细声啲啦??七点几啦，你睇咗个几钟啦。」
「好啦好啦，睇埋呢集温书。」
呢条友，都唔知嚟呢度系做咩嘅。
不过，呢个人又真系几守信用。无几耐佢就打开放喺隔离嘅Psycho textbook，拎起黄色萤光笔，喺密密麻麻嘅段落入面好似好勤力咁划低重点。
“If it is to be cluded that the definition of marriage is to be between a man and a woman...”
我流畅咁填满咗几页空白嘅word page。我望住右下角嘅字数统计，3569 words，虽然距离六千字都仲有啲距离，但我都觉得，今日算系咁。隔离嘅20:53闪过，令我突然觉得少少肚饿。
「食饭未呀？」我望一望隔离嘅人，佢将件Hoodie顶帽戴起，然後再拉紧两条束绳，净系露块面出嚟，好很搞笑。
「睇埋呢个chapter啦，十分钟。」
「想食清汤腩定排骨面啊？」
「排骨面。」
我好少见佢咁focus个样，又或者，我哋太少一齐温书。
餐厅入面黑木嘅枱同凳排列得非常逼夹，坐满晒人，但都仲系有太多人喺出面等紧。炸得香脆嘅上海排骨喺汤面上面跌落两三块碎屑，我拉起一箸面，伴随住蒽花同炸蒜浸喺落咗浙醋嘅汤底。Be