「O唔OK啊？」
「你开咗实有人饮嘅。」
喺德己立街嘅楼上铺，已经铺咗隔音绵嘅墙难以包住房入面嘅吵闹。上庄有人识得呢间Bar嘅老板，喺最繁忙嘅星期五竟然都变到一间房俾我哋。少数有得唱K嘅Bar，房入面都充斥住难听嘅歌声，就好似旺角RedMr一样，不过，系贵啲嘅RedMr。黑色嘅枱面同黑色嘅皮梳化因为昏暗啲灯光而边缘开始模糊，反而枱上面摆满嘅酒樽，喺幽暗嘅灯光下面仍然清晰可见。透明嘅Absolute，红色嘅Beefwater，深蓝色嘅Bombay，黑色嘅Black Label，茶色嘅Johnny Walker，仲有四支已经得翻绿色樽嘅Riesling。啱啱入咗某ibank度做嘅某上庄豪气咁叫人拎咗两支Moet嚟，唔系普通个只，个盒靓啲，个樽瘦啲，支野贵啲，Menu无个只。佢坐过嚟我隔离，手入面嘅两杯香槟杯入面嘅气泡向上浮，佢递咗一杯俾我。我喉咙入面嘅Whiskey遗留嘅灼热感仲未消散，味蕾就被Moet嘅气泡覆盖。
」酒鬼嘅当务之急，当然系确认有无下场。
「梗系啦，不过好似好多人，Daniel支庄都join。」
不过，就算有啲人同我再不相往来，喺曾经嘅一个时间点，我哋就好似喺空气入面嘅粒子，喺空中飞行嘅途中会互相碰撞，令飞行嘅轨迹已经因为曾经嘅碰撞而转向，可能系少少偏左，可能系90度转弯，但我同你嘅路线，都唔会再同相碰前一样。而每日，我都受到千百个呢啲微细嘅碰撞而改变，而一直前行嘅我，甚至无发现呢啲小摩擦碰撞，直至返返去到呢个位，呢间房入面，我先至发现，自己嘅行过嘅呢一大段路。
「OK喎呢只。几好饮。我中意佢够Dry。」
面前嘅人眼睛开始发红，可能系因为唔够瞓，可能系因为上庄嘅说话而感触，亦有可能系因为个人浑浑沌沌而情绪过於敏感，但一边嘅庄友已经贴心嘅递上纸巾。
当年我坐喺枱嘅另一边，佢都系讲类似同一番嘅说话。当年年少气盛嘅我哋，盲中中唔知点解就上咗庄。我哋庄十三个人，由year 1差唔多日日都见到大家，去到而加，闹交嘅闹交，慢慢越嚟越少出现嘅人越嚟越多，而家真系会间唔中食饭，或者出嚟见下嘅，其实得返一半人。曾经讲过一年庄友，一世朋友，但无後果嘅承诺都总系咁容易就被打破。人到year4，唔再好似当年咁好致力维系所有嘅关系，有人同你可能本来就性格唔夹，有人可能已经变到你唔认得，有人深交之後发现原来系咁嘅人，有人可能因为一啲事而唔再存在喺你生命之中。唔再会觉越多朋友越好嘅我，p唔再郁啲就几百个noti，唔再因为各个friend group之间嘅饭局而疲於奔命，唔再有无数嘅是非穿梭耳孔，清幽嘅生活甚至有啲闷，但你终於知道，你每一刻做紧嘅嘢，终於系因为你想去做，而唔系因为逼不得已。但好快，你又将会失去呢个想做咩就做咩嘅自由。可能系咁，所以你先咁努力想捉紧时间。
「其实啦，上庄最大嘅得着，可能系你一班庄友。你哋经历咗咁多嘢，一齐过过Campaign，一齐Fun，未来一年可能你哋会见对方多过屋企人。我唔知你哋庄关系会唔会好似我哋支庄咁close，但系我觉得如果你交个心出嚟，你啲庄友系会明嘅。你头先都话，如果用文具嚟形容你自己，你就系你支庄嘅胶水，其实讲得好啱。一年庄友，一世朋友，上完一年庄，其实你可以带走嘅，就系你身边嘅七位。我希望你一年之後，望返今日，你会觉得你当初拣上庄呢个决定无做错，你可以望住你嘅庄友，同佢哋讲，呢一年，你做到咗。」
「The more the merrier lah.」
所以就系因为咁，庄聚先至咁特别。而且，因为最近多咗对上下庄Pool，所以我哋叫埋上一届上庄一齐嚟饮酒。酒精系友情嘅催化剂，令大家好快就习惯比平时多一倍人，但系建筑得快嘅嘢，通常都好脆弱。
「你系咪陪我饮先？」佢嘅笑容一直都系咁样挂喺佢块面上面。
「你见我有停过咩？」我嘅笑容都一样，腮上面嘅肌肉，有少少僵咗。
长气老鬼又发功，由我上庄个年到而家都系同一番说话，有时我都怀疑，其实，我系咪变成咗长气老鬼嘅一份人。
「多谢主席。其实做Internal Vice-President 呢个位??」
「知唔知Lindsey g同佢条仔散咗啊？」
「我仲摆咗两支系度，使唔使开埋？」
喺出面玩完Beer Pong入嚟嘅人似乎又神智不清多两分，两手空空嘅佢哋唔够两秒又紧握酒杯。一大群唔系好熟嘅人，喺未玩酒Game而酊酩之前，首先要讲八卦。
「现在收集overall ent，张先生。」
「仲有无会众组织紧新问题，主席见唔到。」木槌敲落硬木嘅声音喺封闭嘅室内更加大声，令疏落嘅谈话声暂时停止。