第五章下
巴士广播：「下一站大棠路！……」
好不容易就到左元朗啦！好耐个肩头冇咁用过啦，点知呢个时候豪Ｂ醒左！我只手即刻松开左，话哂佢唔系女仔，都系好似怪怪地。之後豪B起左身，佢一言不发，而我都冇出到声！呢个时空入面，我完全听唔到车出其他既声音，心跳不断增加。呢个时候，豪B讲第一句野……
豪B：「今日唔食野啦！我想返去先，有D唔舒服呀！」
我：「好呀！……而家都到左，下个站落车呀！」
我个心唔知点解好失望，重想同佢食饭，不过算啦！来日方长！点知豪B行紧果时好似真系唔舒服，唔通头先落雨之後落车冻亲？同佢行到大厦，我就同佢去门口，按门铃，点知一个人都冇！呢个时候个傻仔成个人跌左一下，好在揽住佢。我用只手掂佢额头……扑街啦！咁热既？之後我就带左佢去我屋企。去到屋企，我细佬同我开门。
熙仔：「做咩野呀！而家几点呀？唔拎锁匙?……好眼训呀！」
我：「开门开哂佢呀！开D唔开D！」
熙仔：「得啦！得啦！」
之後我同豪B入左黎。
熙仔：「咩事呀？你老死WOW！成个面红哂？饮酒黎呀？都叫你唔好成日饮酒呀！比呀妈知道你就死！」
我：「讲咁多野！人地发烧冇门口入呀！细佬，快D叫呀妈起身帮帮手呀！」
熙仔：「佢今日去左大陆呀！」
我：「你知唔知D药放系边？重有冰袋呀！」
熙仔：「系，系，系！我搵比你！」
豪B：「呀晨！我呢……上番去得啦！」
我：「你唔好出声呀！上到去边个理你呀？你恨到啦！而家要得睇住你呀！」
豪B微笑，一声不发！我抱左佢入房，而细佬都训左啦！入到房之後，我同豪B换衫。豪B好自然咁大字型训，我细心咁解开佢件衫。佢结实既胸肌就系我面前，之後我用热毛巾同佢清洁。之後豪B好自动咁除埋条裤……我忍唔住？
我：「你唔系病咩？重有力除裤既……」
豪B好细声讲：「人地话理我妈！恨到啦！」
我一野打左豪B个头一下！呢个死仔打蛇随棍上，我真系唔知嬲唔嬲好，见到佢死样都唔忍心唔理佢！
我：「你唔好再出声啦！唔系我真系唔理你呀！」
之後我就帮豪B清洁埋只脚，系我清洁果时，佢两脚中间既何B仔系咁系底裤入面扯下扯下！我好大力打落去！
豪B：「好痛呀！正常反应黎姐！」
我再打多两下！
我：「唔整啦！快Ｄ食药训啦！重有同你整左冰袋，个头唔热啦，你就唔好戴住呀！知唔知？」
豪B：「唔好再打啦！咁你今晚训边到呀？」
我：「你话呢？我去呀妈果到训！手机系到，你有事就打比我呀！」
豪B好失望……之後我就出左门口啦！到左半夜两点，我有D担心，因为如果继续烧既就要入医院。一入到去，我见个冰袋都放低左，掂一下豪B个头都冇烧啦！正想走果时，豪Ｂ一手揽住我，之後我同佢面贴面！正想骂佢果时，佢就发开口梦咁，点推都推唔开佢。死仔呀！好好地想训一晚都唔得！之後我就训左系佢旁边，之後过份到成只树熊咁揽住我。我左手咁岩就系佢何B仔个位。最初都冇咩野，唔知点解我好多手放左入豪B条底底入面！呢个时候豪B向我相反方向反身。扑街啦！我成只手比佢个人压住左。你个死仔呀！已经令我中途转基，而家仲要玩我。我真系唔想比佢发玩，我慢慢，慢慢咁移动只手。当见到我只左手果时已经系一小时之後既事。我流哂汗，个心跳到高血压咁！点知豪B发开口梦……