凌凌，但就好单纯咁，好似仲纯过耀明。
「系呀，得你一个？耀明呢？」灏霆有点奇怪点解得我一个。
「佢临时有D事，我就系度等佢。」我讲我系度原因。
「嗯，佢呢排心情好D 吗？」似乎灏霆都知道耀明事，唔通佢知道耀明个Ex系边个？
「好D，我呢排成日搵佢。」我讲。
「佢好少朋友，平日练习有我地班兄弟同霍sir睇住佢，但你知佢宜家一个人住，有时会寂寞，所以你有时间就陪下佢。」灏霆真系好关心耀明。
「嗯，练习？灏霆你都系体操队？」突然听到练习呢两个字令我发现左D野。
「系呀，我系体操队队长，耀明冇同你讲过？」灏霆解释。
「冇呀，耀明冇提过你。」估唔到我眼前靓仔，竟然系体操队队长。
「系喎，霍sir话迟下会有个新成员，原来果个系你。」灏霆讲完之後突然间摸我个头，畀佢摸完头突然有D唔好意思。
「系呢，你同霍sir系咪好熟？好多时见到你地2个一齐，唔讲我会以前你地系情侣。」其实系耀明唔开心果日同今日，我每次见到灏霆，霍sir都会系佢身边。
「点解你会咁谂？其实我地2个系冇野。」灏霆讲完之後就笑左一下。
突然间，我系灏霆身上feel到D野，令我好想问佢。
「灏霆，你系咪member？」突然间唔知边度黎勇气令我好想问佢。
「系呀，耀明冇话畀你知？我以为你系知。」点解灏霆会觉得耀明会张佢所以野会话畀我知？
「不如我地食D 野好冇？」返左半日学，都有少少饿，我地就谂住去teen食野。
行行下去到一个地方，突然我地听到一把好熟声。「耀明！耀明，你……你听我解释。」之後有人打开门，系耀明喊住咁出黎，佢见到我同灏霆就冲过黎揽住灏霆系咁喊。我唔知发生咩事，但我见到灏霆愤怒眼神就知道一阵会有D事发生。
「嘉龙，帮我睇住耀明，我好快返黎。」灏霆交低耀明畀我之後就行开左，我就揽住耀明安慰佢。之後有一个人行出左黎，果个人竟然系……
行出黎果个人竟然系张晋卫，我完全唔知发生咩事。
「耀明，你听我讲……」佢行黎我地身边同耀明讲。
「我唔想再听你讲……点解你又要比我见到你flirt第2个？点解呀？之前你想同返我一齐，我以为你有改……」耀明系咁喊，系咁闹张晋卫，最後喊到收唔到声。我听完之後终於明晒所有野，张晋卫就系耀明个Ex，hurt得耀明最深果个衰人。一阵之後，霍sir同灏霆黎到，霍sir见到耀明咁就同灏霆讲。
「你带耀明同嘉龙上车先，我一阵过黎。」灏霆听到之後就拉走我同耀明。
返到耀明楼下我同霍sir讲我会睇住耀明，跟住霍sir同灏霆就走先。我送耀明返屋企，佢一入屋就入房瞓。耀明瞓左之後我打比阿哥同佢讲叫佢执几件衫比我，始终佢屋企又冇人，有个人睇住佢会好D，反正听日系星期六，都系陪下佢好D。
到左夜晚，耀明仲未醒，我惊佢一阵肚饿会冇野食，就谂住煮D野畀佢。一阵之後耀明就起身，我叫佢食D野，但佢讲佢冇咩胃口，唔想食野。
「呢几日你可唔可以陪我？我……我好惊一个人。」耀明边喊边同我讲。
「我同屋企人讲左，呢几日我会陪你。但你宜家要食野先，如果唔系会饿亲。」耀明听完我咁讲就开始食野。
过左一阵耀明个电话响，系霍sir打黎，但耀明唔想听个电话，佢就畀左个电话我，示意叫我接。我同霍sir交代耀明个情况，霍sir就畀左佢个电话我，有咩事打比佢，佢会过黎。听完电话之後我就继续陪耀明，耀明好静，冇讲任何野。我陪佢睇左阵电视，20分钟之後佢就去冲凉瞓觉，瞓果阵我feel到佢好紧咁捉住我只手，佢真系好怕一个人。
第二日我起身时候耀明仲瞓紧，当我梳洗完准备煮早餐时候有人揿门钟。原来系霍sir同灏霆，佢地买左早餐上黎。我地倾左一阵，原来霍sir好锡耀明，当佢系细佬咁，耀明有咩唔开心霍sir就会陪佢。当然霍sir都知耀明同张晋卫事，张晋卫同霍sir系中学同学，识左好耐。佢成日同张晋卫讲玩还玩，但拍拖就要对自己男友专一，但张晋卫唔听，仍然去搞其他男仔，有次仲要搞耀明一个好好朋友，令到耀明好怕识朋友，佢觉得晋卫会食左佢朋友。无论耀明比几多机会张晋卫，佢都冇听。最後耀明忍唔住同佢讲分手，听到咁我觉得张晋卫系一个衰人。倾倾下，耀明起左身，刷完牙洗完面之後就同我地一齐食早餐，但期间耀明一句都冇讲。食完野之後，我地就出去陪耀明散下心。
To be tinued
如果大家中意呢个故事话就留言多多支持！～