多谢各位！一直都期待我地既感情发展！我地既爱情故事应该已经完了！
系呢两个月里面发生左好多事！有一齐行街食饭，有一齐去sauna，每次都好开心！我一有时间就会去揾佢食中午饭见下佢陪佢食饭果短短1小时，唔知点解虽然系短短1小时我都会好想去见下佢，可能锺意一个人就系会想见到佢！我知道你锺意大只既身材，我傻到每日食好小份量既食物去减肥，每日都系公司玩哑铃，番到屋企玩辘辘希望自己有胸肌有腹肌去满足你！希望你有我就唔揾其他大只仔玩。我唔想讲出口唔想你去搵人玩，只系用我自己个身体去话你知！我系呢几个月里面爱得佢好深，好想每日都见到佢。好可惜原来一直以来都系得我自己想做就做！当你爱一个人越深，受伤既原来只会越痛。我试过一路搭紧巴士一路望住个电话同佢一路系到喊！个心痛都想死，眼泪就不断流出黎。又试过系sauna入面睇住佢同人玩我自己一个喊住咁离开！每次嬲左两日闹左两日，比佢讲几句我地又继续倾计仆野，当无事发生过。近呢两个月里面重重复复左四次！我每次个心都痛到想死。我好惊我真系唔想再继续落去！你系我第一个锺意既男仔！我真系唔想无左你！可惜我真系接受唔到一次，一次，又一次你同第二个，第三个男仔玩！其实我系你心入面系唔系只系一个飞机杯？每日倾计解闷既人？可唔可以唔好咁对我！可唔可理下我感受！我真系好辛苦！我承应我冇人地咁年青！冇人地咁靓仔！冇人地咁好身材！冇人地咁自由随时都可以见面可以玩几夜都唔需要番屋企！但系都唔好要我接受你一次又一次咁去同人地玩！可唔可以尊重下我！
到左上个星期系你同我讲话要继续一齐，系你话我都算系你男朋友！果一刻我真系好开心，你终於肯承认我！但系点解你琴日又再一次问我可唔可以去同人食饭！我唔想你去你又话我只系食饭无其他野！叫你去其实已经知会有下文！点解重重复复都系呢啲问题！究竟系我唔比你去系我有问题？定系你自己有问题？我已经分唔清楚！我只系觉得原来我什麽都唔系！我只系一个呼之则来挥之则去无感觉既物件！其实我要既唔系男朋友唔系拍拖唔系占有唔系控制！
我只系想要一份尊重！好可惜我真系感受唔到！
我发梦都无谂过会同一个男仔行得咁亲密！亲密到我差啲忘记左我自己！我为左你我差啲比我老婆发现！我为左你讲左好多个大话！当我张屋企既问题解决好回复正常後。你又再一次同我讲要同人去食饭。我果一刻问自己！点解我要为左一个你而影响左我既屋企。我一心向你，点解要咁样对番我！我真系好想同你继续落去，但系你太多心啦！我真系接受唔到啦！我谂呢个梦系时候要醒！唔可以再发梦落去！但系点解我仲成日谂住你！成日都望住个电话！一路打字一路系咁喊！我睇番我地相识既第一日到我开始写悲伤既歌词再到今日写我地既结束！我已经喊到停唔到！你而家系到做紧咩！
无左我阻住你，你可以自由地去识你想识既男仔！唔需要再同我讲去边到！见边个！唔洗再比我烦住你发你皮气！唔洗再花时间去氹我！唔洗再打屋企既枕头发泄！
真心祝福你会搵到一个最好既男仔！