7.2
Brendon放底咗件运动外套响梳化之後即刻同我落楼下做运动，去到楼下嗰阵佢突然哄个头埋嚟，笑笑口问「其实你?即系咁，其实我做咗咁多年运动都冇见过人着长?衫跑步嘅，你冇嘢呀？」「我怕冻?」我反一反白眼无语气咁答。佢乌低身再哄埋啲，可能已经习惯咗，又或者我已经知道呢条友冇乜安全距离意识，我无缩开。佢突然好温柔咁用佢额头贴一贴我额头，讲「你冇发烧吖，不过我提意你check一check个脑，出面成28度，焗死你呀，哈哈。」我反一反眼「哈，好好笑呀，我够冇见过人着条咁短嘅跑裤跑步啦，个叉开到腰喇。」「系咪好性感先？点呀，有冇小小心跳先？不过我呢排行感性路线喎」「我只会比30分钟，够钟我就走。」「点呀，赶住返去同Thomas下半场呀？预埋我吖，哈哈」佢即刻拉起件背心，露排朱古力出嚟，好有自信咁讲「睇下，six pack腹肌呀，Thomas比唔到你嫁喇。」「你?我唔系Kris呀，可唔可以save你啲男性荷尔蒙同收埋你啲性暗示呢？」「做乜提佢啫，你介意？哈哈」佢嘻皮笑脸咁讲。「我一啲都?」「好，拉筋先」我未讲完佢就插嘴，佢叫我弯底身，双手掂地，我掂唔到，佢就风凉咁讲「落底啲，底啲啦。」「尽喇」我有啲勉强咁答佢。「再底啲呀，佢唔奈烦咁讲。佢讲完就贴系我後面用上身慢慢加压落嚟，我已经唔可以再落「尽喇，真系尽喇，吖?」即刻叫佢停，佢听到我叫，就停咗加压「hold住，腰脚要直呀！」佢一边用上身贴住我背脊，佢下面贴住我後面，条跑裤又超薄，我可以感觉到佢碌嘢向上摆，佢有意无意咁左右磨我後面「吖?喂你?」「嗱，唔好叫呀你，hold住，1，2，3，4，4，4?」「你玩完未呀?我唔得喇」我求救咁同佢讲。「哈哈?要出嗱，求我吖」「咪玩啦，我顶唔顺喇?」佢听到我咁讲，就慢慢咁减压，我慢慢咁企反直，就咁样我个头就贴住佢胸口。「系咪好爽呀？哗！咁你块面就红晒，Cao咗咁耐都冇进步嘅，点呀你。」我挨响佢心口抖紧气冇回应佢，佢玩玩吓咁讲「喂，你系咪挨得好舒服呢？我啲胸肌系好有弹性嘅，呀Kris都不知几锺意呀。」「系咪跑喇，开始啦。」我即刻企返开，冇语气咁讲。佢沾沾自喜咁讲「不过呀Kris真系几砌得，又够博，你点够争呀？你真系?」佢未讲完我已经跑咗去，「喂！注意呼吸呀，唔好脚踭落地先呀，整伤关节手尾好长嫁。」佢几步就追到我，示意叫我同佢步伐一致。佢脚长我一截，就算歩幅一致我都跑慢过佢，好快佢就跑响我前面，转身同我讲「你可唔可以一路跟住我呀？」「我宜家咪尽力跟紧罗?」我冇乜气咁答。佢笑一笑「我话以後一路跟住我呀！」我静咗，阳光照住佢小麦色嘅皮肤，佢呢个笑容系我第一次见，我停下脚步「呢啲氹?仔嘅説话可以save喇，呢个世界上唔系所有嘢都可以玩，唔系所有人都系你嘅玩具嚟嫁。」佢笑一笑转身「仲乜停底呀，快啲跑啦！见到我尾灯当你赢。」
呢一刻突然我又谂起佢之前讲「你冇感觉，等我教你。」我好想知点解，点解嗰日Brendon会响公司楼下等我放工，点解徵会要我去太平馆，点解佢对sky run咁执着?「你?」「快啲啦，咪揸楼摊呀！」我未开口佢已经跑咗去。